منتديات أبو الفضل

عزيزنا الزائر , انت غير مسجل لدينا , اذا كنت ترغب فى الانضمام الينا يرجى التسجيل , وشكرا

منوع


    ما اريد الجشعمي يعوف الدراسه !!!

    شاطر
    avatar
    فاطمة
    .
    .

    عدد المساهمات : 583
    نقاط : 32444
    تاريخ التسجيل : 20/06/2010

    ما اريد الجشعمي يعوف الدراسه !!!

    مُساهمة من طرف فاطمة في الأحد يوليو 04, 2010 10:28 am

    هذي جنه و هذي نار
    ما اريــد الانــتـحار
    ولا اريد الانتــــــظار
    وما اريد آخـذ قـــــرار
    بالعراق الحنطه وفره
    بس نريد اشـــويه نـار
    عدنه تنور وحطـــــــبنه
    اويه النزاهه عنده ثار
    ما اريد الجشعمي *
    يعوف الدراســــــــــه
    وينمرد بيد الحصار

    كَال مره ...
    (آنه عفت المدرسه
    ابجف الحصار
    لان ما خبزت رغيفي
    المدرسه
    ولوبقيت أطلب علم
    هاي السنين
    چا رصيف السوگ
    ياهو اليكنسه ...؟؟؟ )

    هذي جنه و هذي نار
    والله عار وجدي عــار
    شعب العراكَـ ابعظمتـه
    يصير بي هذا الي صار
    والله ملينه الاخـــــــبار
    وكل صباح يمر شــعار
    منكم والكم (خرافه)
    كلنه نسكن بالاجار !!
    هذي جنه و هذي نار
    بيدي آخذ اتجاهــــي
    وما اريد آخذ قـــــــــرار
    بيدي فاس وبيدي معول
    بس عليمن ابنـــــــي دار
    ليش ابني وجاري يهدم
    ما اريد ابصــــفي جار
    هذي جنه و هذي نار
    شاب راسي وآنه انده
    زدنــــي يا ربــــــي وقار
    جيبي فارغ مو قنــــــاعه
    مزكته اســـنون الاسـعار
    ابني مات بلــيله الهـــه
    لسه ما بيّن نهــــــار
    هذي جنه و هذي نار
    ما اريد اخــــــذ قرار
    الوزير الواعـداني
    فجأه طــــــــــــار
    وصار لاجئ والحصانه
    بخدمته ســـــــــــكة طار
    وسايق السياره واكَف
    ينطر ابّاب المطار !
    انه ما اخذ قـــــرار
    هذي جنه وهذي نار
    بالعراق الجـِبـِنْ كثره
    ومجلس النواب فار
    ومــجــلـــــــس
    الـــنـــــّواب
    فــــــــار
    ***
    **
    *
    ْ

      الوقت/التاريخ الآن هو الثلاثاء أكتوبر 16, 2018 9:32 pm